تاونزا
هاذي قِطعة اتوشّح راس لِمرا التونسية الأمازيغية في عْرينها..وِتْضوّي زينها.. تِتحَط فوق اجبينها...تِتكوّن من سلاسل فضة ايقولولها " تاونزا " بالامازيغية.. تحفل بيها كل بْنيّة.. هي شريط م الجلد وَلاّ تاج م المعدن.. امْرَصعة تِتدلّى منها قْطايَع نقدية.. تِتّوْجِد في برشا مناطق جبلية تونسية.. وْ في غيرها م الجهات الداخليّة.. وين تِتواجَد عايلات اتحافظ عْلى التقاليد الامازيغيّة.. هي ميزة حتى في الدُوَل الشقيقة.. اتزيِّن جْبين لعروسَة.. كي تُظهر وافية ماهيشي منقوصَة. وْ تِتجلّى بين اندادها ضاوية مكبوسَة.. حُلي تقليدي كان زْمانْ ايوَشّح لعرايِس ويذكِّر بْصنعة محليّة.. صفحة م التراث ماهي منسيّة.
بقلم : جلال ميلود التليلي