فارسة
غرامها للخيل ماهو صدفة.. غرام م الصغرة ؛ امحدد هدفه...حلمت اتكون قوية و فارسة.. و لفن الفروسية دارسة.. اليوم؛ " تراثي التونسي " ليها داعم .. و يتابع كل من يعتز بالتراث و حالم.. و منهم نحكو على فارسة متالقة.. لجبال المجد متسلقة .. "اماني" اتعلمت تركب ع الفرس و تسايسه.. تحفظ. و تعدد خصايصه .. كيف اي طفلة عندها مهارة و قدرة .. تشد اللجام ابفخرة .. منظر من تراثنا زادها وهرة .. و كيفها برشا فارسات ع الخيل متشجعات.. "تراثي التونسي" مازال فيهم ايساند.. الكل من يحيي موروث و عليه ملهوف.. و كل من يتشرف بغزلان الصوف .. و نسيج المرقوم و لبس البرنوس .. و كل من يتفخر بالشاشية و الكبوس .. و يعطي في محبة التراث دروس .. و كل من يتنفس هوا اثارنا و يستحضر تاريخنا لصغارنا .. و كل من يتحسس عاداتنا .. و يعتز ابصيفاتنا .. وطن من غير عز بالهوية .. كيف ساكن الظل؛ الشمس عليه مخطية.