التغنّي بالملبوس
من الأغاني الشعبية ما يتغنّى بملبوس الجهات التونسية نذكر منها : عَ الحُولي يامّي ــ في قلالة ــ يا لابْسة لحْرام جْريدي ـ حرام حرير وْ فوطة سوري ـ ساق نجعك ساق و خشو إلمنوبة ـ بخنوق بنت المْحاميد..
يا لابسة لحْرامْ جْريدي
يا لابسة لحرام جْريدي ... يا ريم الغزلان
نتمنى ونحوزك بيدي يا كحلة لعيان
عجبوني عيونك ضوّاية ياسبايب مرضي وشقايا
يا سبايب مرضي و شقايا يا ريم الغزلان
عجبوني عيونك كي يشوفو حرقوني ولا حبو ايروفو
حرقوني ولا حبو ايروفو يا ريم الغزلان
يا لابسة لحرام جْريدي يا ريم الغزلان .. نتمنى ونحوزك بيدي يا كحلة لعيان
عجبوني عيونك وْخدك .. في الدنيا ما فمّا ضدّك
في الدنيا ما فما ضدّك يا ريم الغزلان .. يا لابسة لحرام جْريدي يا ريم الغزلان
نتمنى ونحوزك بيدي يا كحلة لعيان
حرام حرير
حْرام حرير وفوطة سوري .. وحزام بلا الوان
حْرام حرير وفوطة سوري ..وحزام بلا الوان
قد وْ معصم من تبروري .. زادوني لمحـــانْ
قد طْويل وْ زين ايبهذِلْ .. شمعة تضوي وسط المحفل
من شافك عقله يتخبِّل .. ها زين العُربانْ
حْرام حرير وفوطة سوري ..وحزام بلا الوان
قد وْ معصم من تبروري .. زادوني لمحانْ
خلخالك يدرز بالرنّة .. ع الكعبة واتاته الحنة
فارات امصابيح الجنة .. و المبسم فتّــــــانْ
حْرام حرير وفوطة سوري ..وحزام بلا الوان
قد وْ معصم من تبروري .. زادوني لمحــانْ