أغاني التغزّل بالبشرة


 يمكن أن نُظيف إلى أصناف الأغاني الشعبية تلك التي تتغنّى بلون البشرة كميزة للجمال و الحُسن و لعلّ الموروث الموسيقي التونسي يحفظ الكثير منها فنجد أغنية الفنان القدير المرحوم محمد الجراري حيث تغنّى :  


    
                                  يمّة لسمر دوني                 
يمّة لسمر دوني .. ماكم تقولو علاش لسمر دوني .. ماكم تقولو علاش
يمة لسمر دوني .. محبس قرنفل في جنان الرومي .. علاش يا زماني علاش 
يمة و لخطيّفة .. يلّي خلقت الحوت و الخُطّيفة  ..  يلّي خلقت الحوت 
والله والخُطّيفة ..  يشعل عدونا مايكمل صيف ..  علاش يا زمان عْلاش
يمّة لسمر دوني .. ماكم تقولو علاش لسمر دوني ..  ماكم تقولو علاش
يمة قُص وْ لوّح .. نخلة بلا عرجون قُص وْ لوّح ..  نخلة بلا عرجون 
زيد قُص وْ لوّح .. طفلة بلا معشوق تمشي اتروّح .. علاش يازْمان عْلاش .
يمّة لسمر دوني .. ماكم تقولو علاش لسمر دوني ..  ماكم تقولو علاش
أيضا نذكر أغنية الهادي الجويني التي خلّدتها الذّاكرة الموسيقية  حين تغزّل بالسمراء في أغنيته الشهيرة : 

                                    سمرا يا سمرا                 
سمرا يا سمرا ابروحــــــــــــــي نفديك   ....   سمـــــرا يا سمرا انت ليّا و انا ليك
                   سمرا يا لون العسلة   آنا نخــــزر ونت تحلى سمرا
جرحتني عينك الكحلة  يا سمرا ربي يهديك ..  سمـــــــرا يا سمرا انت ليّا وانا ليك
                   يا محلى شعرك وجبينك ...  و محلـــى تذبيلة عينك
الضحكة زادت في زينك    يا سمرا اسم الله عليك ..  سمرا يا سمرا انت ليّا وانا ليك 
                   آنا باقــــــي فيك انتبع ..  عن حبك عمري ما نرجع
وِ بْزينك شاهي نِتمتع     آنا وحدي ما معايا شريك .. سمرا يا سمرا انت ليّا وانا ليك
        ولا يزال التراث الغنائي التونسي مصدرا لأعمال العديد من الفنّانين الباحثين عن المقطوعات القديمة باعتبارها مخزونا أدبيا و فنيّا و موسيقيا و أيضا دليلا على بساطة التعبير و صدقه .