باب سوء الاختيار
يندم المرء كثيرا إذا ما قام بعمل و لم ينجح فيه فيلوم نفسه على سوء اختياره أو يلومه المقرّبون على سوء الاختيار قائلين له :
ــ صاحب النفس موش صاحب.
ــ صام صام وفطر على بصلة.
ــ عز نفسك تصيبها, النفس نفسك وانت طبيبها/النفس نفسك وانت طبيبها وين تحطها وين تصيبها.
ــ عزيز النفس يعطي الحق ما يطلبوش
ــ عصفور في اليد ولا عشرة فوق الشجرة
ــ عاشرني مليح ومن بعد شوف كلام الناس غالط وإلا صحيح.
ـــ ما كحّلت العمشاء، كان العرس وفا : وفا يعني انتهى، يقال المثل لمن تأخر في الاستعداد لشيء حتى يخشى فواته.
ــ ما يغلبك كان اللي يقولك أعطيني متاعي.
ــ ما يغلبك كان اللي يقلك رجعلي فلوسي
. راقد على صدرها وناوي غدرها.
ــ رخص الحرير حتى مسحوا به الطناجر.
ــ رد بالك من الرهدان الوجه وجه الرحمة والقلب قلب الفحمة.
ــ ما يقولوش : قدّاش غاب؟ يقولو : آش جاب.
ــ ما تاخوش هجّآلة وكان يبدى خدّها مشموم، قد ما تكركر وتجيب تقلّك يرحم المرحوم.
ــ رد بالك من السكبان يحرش القطوس ويبكي مع الفيران