باب الاعتماد على الذّات


عندما يشتدّ عود الصبية تشرع الجدّات و الأمهات و الآباء و الجدود بتعليمهم أهمّ مبدأ وهو الاعتماد على الذّات و حسن تسيير شؤونهم دون التواكل و التكاسل و الاعتماد على الغير فيقولون كالتالي : 
ــ  إللّي ما تعرفش تغسل الدوارة ماخذتها في ولد الناس خسارة وإلي ما يعرفش الذبيحة والسليخة 
ماخذته في بنت الناس فضيحة.
ــ إلّلي ما تعرفش تشطح اتقول الأرض عوجة
ــ إللّي تربات على يدين الرجال ما يغرها لا زين لا مال
ــ إللي يعمل عليك يبات بلا عشي 
 ــ بهيمك النكاس ولا قعدانك للناس.
ــ بهيم الشركة يموت مدبار.
ــ باش تكرّه روحك يا يتيم، قال بالجهد والمعين ربي.
ــ سعود موش تعرية زنود.
ــ سبعة صنايع والبخت ضايع
ــ كي قنديل باب منارة ما يضوي كان على البراني.
ــ كي الزير المتّكّي... لا يضحّك ولا يبكّي..: يعني هذا المثل الإنسان الفاقد للجدوى: مثل الزِّير وهو القلّة الكبيرة المستعملة للتخزين، المتّكّإ... لا يُضحِك ولا يُبْكي
ــ كي الملح ما يغيب على طعام : الشخص الي تجده ذو رأي في كل المواضيع وحاضر في كل المناسبات





إنشاء حساب خاص

تسجيل الدخول