علي العرضاوي ـ تطاوين


من شعراء تطاوين البارزين و الذين لهم حضور في محافل الشعر الشعبي نذكر الشاعر علي  العرضاوي و القائل :


بنت العرويبة اليوم والبلدية     وصارت مبارة بينهم وديّة 
عملو هرج وخصومة جارات     نعرفهم بنات الحومة 
اللي انلومها تحلف أني مظلومة    و تقولّي راهي بدتني هيّ
و بالله يا شاعر اتجيب ابلومة     و سجل على اللي  بادية بالسيّة
اليوم ريت زوز ابنتّة      بدو لربعة تمّو لخصومة الستّة 
وحفظت كل حديثهم قيّتّه     وْ جايب القصّة كاملة مسوية
في قْصيد هايل كلامهم ورّدته      و للكم حكاية نادية و رقيّة 
أني اليوم نحضر هرجة       وفزعت زي الناس نبغي الفرجة
وقعدت نترقب وْفيهم      نرجى فمّاش فيهم بادية بالسيّة 
لْقيتهم  عْلى الموضات واخر خرجة    وْ كل بنت منهم اتقول لبستي عصرية
قاتلها يا لابسة الرُمّاني     لْباسك رْزين  وْ لبستك رعواني   
ريتيش لبس العصر كي واتاني    وْ لاندير بلغة وْطرف لامرحيّة
 سروال نكبس فيه في مِسلاني   وْ كل من شبحني قال ملا هيّ
قاتلها إنتِ الحيا بعتيها      وْحِدْتي على مبداك ونسيتيها
سوق المدينة كاملة درتيها    اتقول كان بقرة رايْحة منسيّة
أني العرض ليّا وْ لبستي ريتيها    واهلي عرب وْ حازرين عليّا






إنشاء حساب خاص

تسجيل الدخول